ლალი ლაფიერაშვილის პროექტის პორტფოლიოს სანახავად იხილეთ ბმული

მეცხრე დღე

მეცხრე  დღე საკმაოდ საინტერესო იყო. განვიხილეთ 8 მოდული. ავტვირთეთ  ბლოგზე ნამუშევრები. ეს ტრენინგი  ჩემთვის  იყო  მნიშვნელოვანი,  რადგანაც  დამანახა პროექტებით სწავლების დადებითი მხარეები.  ჩემს  მიერ  ჩატარებული გაკვეთილები    იქნება  საინტერესო  და  ადვილად  აღსაქმელი.  მომცა  ცოდნა   რომლის  გამოყენებისას  ადვილად  გავიყვან   მოსწავლეებს  21-საუკუნის   უნარ-ჩვევებზე.  რაც   მეტად მნიშვნელოვანია  დღევანდელი  მოზარდისათვის,   რათა  ადვილად  შეძლოს   ამ  ცხოვრებაში  თავის  დამკვიდრება.  მადლობა ქ. დიანას, რომელმაც  დიდი ცოდნა მოგვცა პროექტთან დაკავშირებით,ეს ცოდნა შეცვლის ჩემს გაკვეთილებს სასიკეთოდ. 

ტრენინგის მერვე დღე

დავათვალიერეთ   ერთმანეთის  საქაღალდეები,   გავაკეთეთ   უკუკავშირი.    განვიხილეთ  მეექვსე  მოდული.განვიხილეთ  სწავლის  პროცესის  დიფერენცირება.    თვითრეგულირების   უნარის  განვითარება  მოსწავლეებში. ვისაუბრეთ     მოსწავლის    სხვადასხვა   უნარების  შესაძლებლობის    საჭიროებებზე.

ტრენინგის მეშვიდე დღე
  
დავათვალიერეთ  მოსწავლეებისსავარაუდო ნაშრომები,
 გავუკეთეთ  ერთმანეთს  უკუკავშირი . 
 ავტვირთეთ ბლოგზე  მოსწავლის პრეზენტაციები.
 განვიხილეთ  მოდული  ხუთი, შვიდი. დავათვალიერეთ  სხვადასხვა  შეფასებების ფორმები  მოსწავლის  ნაშრომებისთვის. განვიხილეთ ფასილიტაცია,გავეცანით თუ როგორ გავუწიოთ დახმარება მოსწავლეს მიზნის მისაღწევად.   

ტრენინგის მეექვსე დღე

ტრენინგის მეექვსე დღეს  გავიარეთ მოდული 4 მთლიანად და მოდული 5-ის ნაწილი.შევეხეთ მთავარ კითხვას,როგორ უნდა გამოვიყენოთ ტექნოლოგიები ყველაზე ეფექტურად სწავლების პროცესის ხელშეწყობისა და მოსწავლეების სწავლების შეფასების მიზნით. ვისწავლეთ,რომ პროექტზე მუშაობისას უნდა გავითვალისწინოთ თითოეული მოსწავლის ინდივიდუალური საჭიროება და ინტერესები.

           მაგალითებით განვიხილეთ და ვნახეთ,როგორ შეუძლია გამოიყენოს მოსწავლემ ტექნოლოგიური საშუალებები პროექტისათვის.ვნახეთ და დავათვალიერეთ მოსწავლის თვალით დანახული  და შექმნილი საინტერესო რესურსები.

         გავეცანით მოსწავლეთა შეფასების ფორმებს,სქემებს,ჩეკლისტებს.დღე იყო საიტერესოდ და შინაარსით დატვირთული.გმადლობთ!

ტრენინგის მეხუთე დღე        
        განვიხილეთ პროექტის შინაარსობრივი სტანდარტები და ინდიკატორები.
გავეცანით უკუკავშირის მეთოდებს,უკუკავშირის სახეებს, კონსტრუქციული უკუკავშირის მიცემის ზოგად წესებს, ტექსტური რედაქტორის Reviewing Toolbar-ის გამოყენებას უკუკავშირისათვის.
      ასევე გავეცანით ტექნოლოგიების გამოყენებასთან დაკავშირებულ სამართლებრივ ნორმებს, საავტორო უფლებებს. ვისწავლეთ და ავტვირთეთ პრეზენტაციები.

ტრენინგის მეოთხე დღე

   გავიარეთ მე-2 მოდულის მე-3 აქტივობის 1 , 2, 3, 4, 5 ნაბიჯები. მომეწონა მიმართულების მიმცემი საკვანძო კითხვების ნიმუშები. სასწავლო პროექტის გეგმის ჩეკლისტი.          გავერკვიე, როგორ მოვახდინო პროექტზე დაფუძნებული სწავლის შეფასება, რაც მნიშვნელოვანია, რადგან, როდესაც სწავლებას ამოძრავებს შეფასება, მოსწავლეები უფრო მეტს სწავლობენ, უფრო თავდაჯერებულები და თვითრეგულირებადი ხდებიან. გავიხსენეთ პროექტის შეფასების 5 ძირითადი სტრატეგია:
სადაც მოიაზრება წინარე ცოდნის გახსენება, წახალისებისა და თვითრეგულირებადი სწავლების  ხელშეწყობა, პროგრესის მონიტორინგის,  გაგებისა და შემოწმების, გაგებისა და მონიტორინგის სტრატეგიები, რასაც გამოვიყენებ მუშაობის პროცესში.